Ne okazos la leciono de Lariko venontan lundon. La posta leciono okazos la 22an de februaro.

Hieraŭ ni legis la teatraĵon “Fina movimento” de Paul Gubbins. Tre bone legis ĝin Dorina, Mielo kaj Babilonto. Ankaŭ venontan semajnon (la 8an de februaro) mi volas prezenti Esperantan teatraĵon dum la leciono. La celo estas decidi, kiun el la tri ni volas prezenti en la Ŝekspiro-teatro de Dua Vivo.

La lasta teatraĵo estos unu-akta drameto de Marjorie Boulton kun la titolo “2060″. Ĝi okazas en la jaro 2060 (kun multaj eblecoj por kreado de fantazia scenaĵo!) kaj havas kvar rolulojn. Kiu volontulas legi venontan semajnon? Bonvolu sciigi rapide, por ke mi tuj sendu al vi la tekston por antaŭprovo! Ni bezonas nepre unu viron kaj unu virinon. La aliaj du roloj povus esti legataj aŭ de viro aŭ de virino.

Dum la leciono de lundo, la 1a de februaro, ni denove legos teatraĵon, kun la celo elekti taŭgan verkon por pli serioza prezentado en la Ŝekspiro-teatro de DV. Ĉi-foje temos pri “Fina movimento” de Paul Gubbins.
Horo: 13.00 (DV), 21.00 (GMT), 22.00 (MET).

Post la komencaj malfacilaĵoj – retrovi la ĝustan lokon, kaj precipe nin mem – ni veturis per ski-lifto supren… ege-ege alten, por poste gliti suben per (ege rapida!) sledo.

La suprenirado ne tute glate okazis….. ni ne tuj trovis la lifton, la sidlokojn…. kaj unuj la aliajn….

Sed post sukcesa sidiĝo sur la benkon de la ski-lifto, esperplene ni leviĝis supren.

Tiun veturadon la entreprenemaj partprenantoj devis fari tamen eĉ dufoje: unue al la pinto, de kie eblas gliti per la (terura J) sledo, kaj la duan fojon al alia montopinto, kie komenciĝas la ski-vojo.

Kiel akiri la necesan ekipaĵon…? Bonŝance Dorina kaj Babilonto (kiel spertaj duavivaj skiantoj) havis transdoneblajn sportilojn, kaj…

la kuraĝuloj surmetis la skiojn…

Kiam ni, ne tre simple, denove retrovis unu la aliajn, ni reiris al la hotelo, tra ponto etendiĝanta antaŭ akvofalo. Tie certe necesas fari grupbildon

…pri la restantaj gesamideanoj, kiuj sukcese travivis la danĝeran ski-aventuron.

Por revarmiĝi ni vizitis la luksan banejon de la proksima hotelo.

La virinoj (kompreneble! J ) tuj provis diversajn sport-eblojn denove. Plej preferata montriĝis saltado en la akvon de la vasta baseno.

… tamen, ankaŭ unu viro provis la saltadon:

Populara montriĝis ankaŭ la malgranda baseno kun varma akvo, kie ni senzorge ripozis, kvankam….

ne estis facile tuj trovi kaj surmeti bankostumojn…

…kaj ankaŭ la retrovo de vestaĵoj kaŭzis iom da malfacilaĵoj en la dancejo… hm…. (pardonu pro la ne-diskreteco de la raportisto!

La dancadon poste ni daŭris en la gajetosa kaj interesa germana dancejo… ĝis preskaŭ noktomezo.

La raportisto bedaŭras nur, ke ne estis eble surbendigi, kaj aldoni al la raporto la voĉojn, ridojn, ŝercojn, la ege gajan etoson de la ekskurso.

Dankante al ĉiuj partoprenantoj, ke ili kontribuis per ilia bonhumoro al la komuna vespero, al Babilonto pro liaj fotoj,

Dorina

Mi jam anoncis en decembro, ke ni povus prezenti teatraĵon en DV. Dum la venontaj lecionoj ni legos kelkajn unu-aktajn teatraĵojn por decidi, kiun ni volus prezenti, kaj por serĉi aspirantajn aktorojn.

Dum la leciono de venonta lundo (la 25a de januaro) ni legos amuzan skeĉon de la hungara verkisto Sandor Szathmari “Budapeŝta ekzameno”. En venontaj semajnoj ni legos pli seriozan teatraĵeton de la angla verkisto Paŭlo Gubbins, kaj poste espereble (se mi sukcesos akiri la libron ĝustatempe!) teatraĵojn de Marjorie Boulton.

“Budapeŝta Ekzameno” enhavas kvar rolulojn. Unu nepre devas esti viro, la aliaj tri povus esti aŭ viroj aŭ virinoj. Kiuj volas laŭtlegi la rolojn dum la leciono? Bonvolu respondi al ĉi tiu mesaĝo, por ke ni laŭeble trovu la legantojn antaŭ la leciono. Evidente ĉiuj legantoj nepre bezonos funkciantan mikrofonon!

La horo de la leciono, kiel kutime: 13.00 (DV), 21.00 (GMT), 22.00 (MET).

Kun skiado (senpage eblas aĉetis ski-ekipaĵon), sledado (surloke estos),

en bela vintra regiono,

al kiu ni invitas vin, kun viaj partneroj, geamikoj.

Post la ekskurso ni daŭrigos la programon en agrabla gastejo, kun babilado, naĝado (je deziro kun masaĝo J)

kaj vespera dancado.

Surprizo: se iu deziras ĵetadi kontraŭ aliajn neĝbulojn – ricevas tiun „movon” kun la necesasj neĝbuloj, kompreneble!

Dato: La 24an de Januaro, Dimanĉon, je la 18h00 MET/ 09h00 DVT

Loko – kie ni renkontiĝos: A TAHOA MOUNTAIN SKI RESORT , Tahoa Mountain Tiger ( Ekskurso)

Kunportu varman vestaĵon,

laŭeble bankostumon

kaj vestaĵon por dancado!

….kaj nepre vian bonhumoron!

Ne forgesu:

Tie

NI ATENDAS ANKAŬ VIN!

Dorina kaj Babilonto

Ni daŭrigos kaj finos dum la morgaŭa lecionono (lundon la 18an) la diskuton pri sportoj kaj ludoj.
Horo: 13.00 (DV), 21.00 (GMT), 22.00 (MET).

Saluton.
Denove jen mi, Kasisto Citron.

Estas nova jaro, kaj jam estas tempo por pagi vian memvolan kotizon. Por la periodo januaro-marto, A-landanoj pagu 3000 linden-dolarojn, kaj B-landanoj pagu 2000 linden-dolarojn. Tiel vi restos aŭ estiĝos “apoganto” de nia komunumo.
Tiuj, kiuj volas resti aŭ estiĝi “amiko” de nia komunumo pagu 600 linden-dolarojn.
Necesos pagi ĝis la fino de la monato al mi (Kasisto Citron).

Mi ankaŭ memorigas vin, ke eblas deĵori en Esperanto-Lando anstataŭ pagi per monoj. Se vi volas fari tion, sendu al mi mesaĝon per retpoŝto: esperantokomunumo@gmail.com

Dankon.

Morgaŭ (lundon la 11an de januaro) ni daŭrigos la lecionon pri sporto kaj ludoj.
Horo: 13.00 (DV), 21.00 (GMT), 22.00 (MET).

Fotoekspozicio okazos en Dua Vivo (Esperanto Lando) pri la regiono (lando, urbo), kie vi loĝas en via „reala” vivo.

Partoprenontoj

Ĉiuj Duavivanoj, membroj de la grupo Esperanto-Komunumo.

La partopreno mem estas senpaga, tamen la „importado” de bildoj havas sian koston: nome al Linden Lab necesas pagi 10 Lindendolarojn po bildoj.

La partoprenontoj transdonos la prezentotajn bildojn (sen kopirajtoj) al Babilonto Karu aŭ/kaj Dorina Landar, ĝis la 12a de februaro, por la ekspozicio.

Prezentotaj bildoj

Pri la lando, regiono, urbo kie vi loĝas.

La bildoj estu prefere memfotitaj, sed eblas prezenti ankaŭ ne proprajn: tiel tamen nepre indiki tion en la „importita” bildo, indiki la aŭtoron de la bildo.

Ĉiuj partoprenantoj rajtas prezenti de unu ĝis ses bildojn, kun, aŭ sen kadro.

La importadon kaj la preparon de la bildoj, la aldonon de kadroj la partoprenantoj mem devas fari, kompreneble kun helpo (Babilonto kaj Dorina proponas sian helpon, dum Vendreda Babilrondo).