Karaj membroj kaj geamikoj
Ne ekzistas sufiĉaj monrimedoj por daŭre pagi la luadon de Esperanto-Lando. En la lastaj jaroj malkreskis la aktivado, kaj iĝas pli malfacile havi sufiĉe da lernantoj por rekomenci la kursojn. En pasintaj okazoj, ni sukcesis peti pli da mono de niaj membroj, sed evidentiĝis ke tio estas nur provizora solvo. Ne estas dezirinde aŭ juste peti 348 eŭrojn jare kiam nur estas kelkaj aktivaj membroj kaj maloftaj vizitantoj. Ni dankas la subtenon de ĉiuj kiuj kontribuis, kaj ebligis tiujn 10 jarojn de funkciado (sen kalkuli la antaŭan klubon) , el kiuj ni certe konservas bonajn memorojn. Tio ne signifas la malaperon de esperantista aktivado en Dua Vivo, sed nova etapo. Ni konservu la amikecon kaj homajn rilatojn. Ni ne havos apartan esperantan landon, sed daŭre povas renkontiĝi en aliaj lokoj.
Pro tio ni kunvokas kunsidon, la dimanĉon, 28an de Julio, je la 19a ( Centra Eŭropa horo) por aŭskulti vin kaj aprobi, modifi, aŭ malaprobi la sekvajn proponojn. Se vi ne povas veni, bv sendi viajn komentojn kaj (mal)aprobojn al Casisto Citron.
PROPONOJ
1.Malfondo de Esperanto-Lando
1.1 Post fino de la luperiodo (8an de aŭgusto), Esperanto-Lando fermiĝos.
1.2 Se restas lindenoj en la kaso, tiuj estos donacataj al fondaĵo Wikimedia, kiu zorgas pri Vikipedio.
1.3 La grupo “esperanto-Komunumo” daŭre ekzistos kaj restas plene uzebla kiel nuntempe.
1.4 La konstruaĵoj kaj aliaj objektoj en Espèranto-Lando laŭeble revenos al siaj respektivaj posedantoj, aŭ perdiĝos.
1.5 La retpaĝo https://duavivo.wordpress.com/ daŭre restos, sed ĝi en plu reprezentos la eksan societon. Ĝi havos nur informan celon. Ĝin redaktos “helpantoj” de la esperanto-komunumo.
1.6 La paĝo ĉe Facebook, daŭre estos prizorgata de hxocxjo (Jorge Pavón), kiu volonte akceptas kunlaboron.
2. Kion fari poste?
2.1 La fino de Esperanto-Lando ne signifas finon de Esperanto en Dua Vivo.
2.1 Esperantista aktivado daŭre okazos en Dua Vivo, sed la mardaj kaj dimanĉaj kunvenoj translokiĝos al aliaj landoj. Venis du proponoj: Dorina kaj Babilonto proponas okazigi ilin en ilia insulo Auroro, kaj Cyril ankaŭ povus disponigi malgrandan spacon. Ne estos kotizoj, sed ili povos ricevi mon-donacojn.
2.2 Kreo de rolo de “helpanto” aŭ “spertulo” : En ĉi tiu nova etapo ekzistos nek estraro nek prezidanto. Aktivaj membroj estas invitataj aldoni la etikedon “helpanto” aŭ “spertulo” . Tiu estu homo kun sperto en Dua Vivo, kiu pretas bonvenigi novulojn, respondi demandojn, disvastigi informon eksteren, solvi problemetojn ktp. Ili povos eksigi, por difinota tempo aŭ definitive, avatarojn de la grupo en ekstremaj kazoj se tiu homo damaĝus la amikecan kunvivadon. Helpantoj/spertuloj tute ne celas esti prezidanta aŭ aŭtoritata gvidado. Konvenas almenaŭ 3 homoj en tia rolo.
2.4 Nur helpantoj/spertuloj havos administrajn rajtojn en la blogo https://duavivo.wordpress.com/
2.5 Kaze de neceso, ĉiu aktiva membro povos proponi kunvenon por ĉiuj anoj de la grupo, por pritrakti specifa(j)n temo(j)n.
2.6 Ni emfazas ke ĉiu ano de la grupo rajtas proponi kaj organizi aktivaĵojn.
Esperantujo en Dua Vivo 
Lastaj komentoj