Afiŝita de: dorina2009 | 01.04.2012

KURSO POR PROGRESINTOJ

Ekde la 26a de marto, 2011 la lunda kurso, anstataŭ por komencantoj, la kurso estas por komencINToj, en Esperanto-Lando.

La decido naskiĝis, ĉar tiuj, kiuj diligente vizitadis la kurson por komencantoj, jam regas la lingvon tro bone por relerni ĉion denove.

La grupo – Alternativa kurso por komencantoj – tamen restos, eĉ sen ia ŝanĝo en sia nomo (por eviti administraĵojn).

La tempo de la kurso en la somera periodo estas la jena: 05.00 DV-tempo, 21.00 Tokio, 22.00 Aŭstralio, 14.00 Mezeŭropa tempo.

La lecionojn vizitu tiuj, kiuj jam konas la lingvon baznivele, konas la plej necesan gramatikaĵon, komprenas (tre) simplajn frazojn en Esperanto. La kurso celas riĉigi ilian vorttrezoron, altigi la parolkapablon, eĉ ankaŭ fimigi aŭ korekti la gramatikajn konojn.

La uzo de bone funkcianta kapaŭskultilo estas bezonata.

Por praktiki la lingvon ankaŭ ekster la kurso, la grupanoj ricevas notojn kun la materialo de la antaŭa leciono, kun taskoj, kiujv vi povas solvi.

La kurson gvidas Dorina Landar.

La vizito de la kurso estas senpaga, sed se vi povas kontribui al la vivteno de nia lernejo kaj nia lando, tio multe helpus al nia komunumo, kie ankaŭ vi estas ĉiam bonvena!

Afiŝita de: babilonto | 13.03.2012

En Esperanto-Lando estas nun motorboato

Saluton geamikoj,

ĉe la marbordo en Esperanto-Lando estas nun motorboato.

Se vi deziras iomete ekskursi ĉirkaŭ nia bela Esperanto-Lando, vi povas uzi nian novan komunan motorboaton.

– Sidiĝu en la boaton – tiel, ke vi klakas ĝin. (La unua, kiu sidas en la boato estos la kapitano)
– Por stiri la boaton necesas premi la sagoklavojn – dekstren, maldekstren, antaŭen (sago supren) kaj malantaŭen (sago malsupren).

Ĝuu vian ekskurson kaj revenu al Esperanto-Lando. Invitu viajn geamikojn al Esperanto-Lando.

ATENTU! La boato malaperos aŭtomate kiam vi ekstaros.

Amike
Babilonto Karu

 

Afiŝita de: Lariko Melnik | 08.03.2012

DUA VIVO ESTOS PREZENTATA…

… dum la VINTRAJ TAGOJ en Finnlando
la 10an de marto, sabaton
en Esperanto-lando.
Horo: 10.30 (DVT), 18.30 (GMT), 19.30 (MET),
20.30 (Helsinko),
kaj estos prezentata instruado en DuaVivo, anstataŭ la kutima Vendreda Babilrondo.

Afiŝita de: berginodale | 14.01.2012

2012

La nova jaro jam ne estas tiom nova, kaj la tempo por denove pagi vian memvolan kotizon jam alvenis antaŭ tagoj. La kotizperiodo estas januaro-marto. Via apogo gravas, por ke ni daŭre povos reteni Esperanto-Landon, kaj tiel daŭre havi lokon por niaj agadoj.
Ni kore dankas al ĉiu, kiu elektas subteni nin.

Apogantoj:
A-landanoj L$ 3000 (= US$ 12,30 = 9,70 eŭroj)
B-landanoj L$ 2000 (= US$ 8,30 = 6,50 eŭroj)

Amikoj:
minimume L$ 600 (= US$ 2,70 = 2,10 eŭroj)

Vi povas pagi rekte al Kasisto Citron, aŭ per la aŭtomato en Esperanto-Lando. Vi ankaŭ povas pagi al nia konto duvi-d ĉe UEA. Se vi pagas ekstere de Dua Vivo, informu nian kasiston pri tio per retpoŝto: esperantokomunumo-ĉe-gmail.com

Pli da informoj vi trovos en nia regularo.

Nome de Kasisto Citron,
Bergino

Afiŝita de: dorina2009 | 14.12.2011

AURORO – UNUJARA!

Ni eĉ ne revis pri io tia komence… jam „granda afero”  estis lui loĝdomon, aŭ terenpeceton. Kaj se la najbaroj de nia antaŭa „hejmo” ne ŝanĝiĝas tiom ofte, kaj ili ne havus tiel neelteneblan guston, eble neniam Babilonto decidus havi propran insulon.

La plej interesa ludo estis konstrui kaj krei tie! Ni ĝojis pri ĉio nova, kaj volis ĉion montri al niaj geamikoj.

Kaj nun, kiam pasis unu jaro, ni deziras kune festi tiun datrevenon. Ni deziras, ke vi same plezuriĝu je nia insulo, uzu la boatojn, aviadilon, balonon, dancu kun ni, babilu en la kafejo aŭ en la trinkejo, malkovru romantikajn lokojn… Kaj, ne nur nun, sed se vi ŝatas ĝin, iam ajn – ne necesas ja invito!

Nun estu tamen iom solena la festo la 15an de decembro, ĵaŭdon!

Ni komencas je la 20.00 – Mezeŭropa Tempo (11.00 DV-Tempo), kaj se ĉio iros senprobleme, „vera” diskludanto prezentos hungarajn kantojn.

Kiel ni kutime diras:

VENU – NI ATENDAS ANKAŬ VIN!

 

(Adreso: Auroro: Dori & Babi, Mo Mo Island (62, 152, 21)

 

la Silvestra balo en 2010

 

la “malnova” urboparto

Sunsubiro en la haveno

 

la Lumturo

 

Somero en Tramontaro

 

La Preĝejo

Aŭtuna vespero en la Ĉefplaco

Alvenis la neĝo

 

La Kafejo atendas vin dum Kristnasko

 

 

Afiŝita de: Lariko Melnik | 31.10.2011

Nova horaro por la lecionoj

Pro fino de la somera tempo en Eŭropo, atentu pri kelkaj ŝanĝoj en la horaro:

lunde: Dorina instruos komencantojn je 18.30 (Delhio), 22.00 (Tokio/Seŭlo), 24.00 (Kanbero), 5.00 (DV), 14.00 (MET);

marde: Lariko gvidos la kurson por progresintoj je 21.00 (GMT), 22.00 (MET), 13.00 (DV);

merkrede: Triksi instruos komencantojn je 20.30 (GMT), 21.30 (MET), 12.30 (DV).

Afiŝita de: Lariko Melnik | 27.10.2011

Kia estonteco por Esperanto-lando?

Diskuto pri la estonteco de Esperanto-lando.
Ni renkontiĝos en la ĉiela parto de Esperanto-lando.
Tago: vendredo 28 oktobro
Horo: 19.30 (GMT), 21.30 (MET), 12.30 (DV).

Afiŝita de: Lariko Melnik | 23.10.2011

Leciono pri la Proverbaro

Dum la leciono por progresintoj (marde) ni parolos pri la Proverbaro.

Sed atentu ke estas tri kursoj en Dua Vivo:

lunde: Dorina instruos komencantojn je 18.30 (Delhio), 22.00 (Tokio/Seŭlo), 23.00 (Kanbero), 6.00 (DV), 15.00 (MET);
marde: Lariko gvidos la kurson por progresintoj je 20.00 (GMT), 22.00 (MET), 13.00 (DV);
merkrede: Triksi instruos komencantojn je 19.30 (GMT), 21.30 (MET), 12.30 (DV).

Afiŝita de: berginodale | 08.10.2011

Jam estas oktobro,

tempo por denove pagi vian memvolan kotizon. Via apogo gravas, por ke ni daŭre povos reteni Esperanto-Landon, kaj tiel daŭre havi lokon por niaj agadoj.
Ni kore dankas al ĉiu, kiu elektas subteni nin.

Apogantoj:
A-landanoj L$ 3000 (= US$ 12 = 9 eŭroj)
B-landanoj L$ 2000 (= US$ 8 = 6 eŭroj)

Amikoj:
minimume L$ 600 (= US$ 2,40 = 1,8 eŭroj)

Vi povas pagi rekte al Kasisto Citron, aŭ per la aŭtomato en Esperanto-Lando. Vi ankaŭ povas pagi al nia konto duvi-d ĉe UEA. Se vi pagas ekstere de Dua Vivo, informu nian kasiston pri tio per retpoŝto: esperantokomunumo-ĉe-gmail.com

Pli da informoj en nia regularo.

Nome de Kasisto Citron,
Bergino

Afiŝita de: Esperantino | 29.09.2011

Unua konversacia rondo por amerikanoj

En Esperanto-Lando, en kursejo okazos unua konversacia rondo por amerikanoj

Tago:
la 30an de septembro,
Horo:
6.00 PM (DVT)
21:00 (NovJorko)
22:00 (Braziljo)
03.00 (MET, 1an de oktobro)

Ni invitas ankaŭ ne amerikanoj kiuj volas ekzerci voĉan parolon kaj ekkoni aliajn samideanojn.

« Newer Posts - Older Posts »

Kategorioj

Follow

Get every new post delivered to your Inbox.